قصيدة لميس

ماعاد بـه تكفـى ولاعـاد تنقـال .....كلمه قديمه مـن يهـزه صداهـا ؟
والغيره اللي نوب نلقى لها ظـلال.....قتلـوا عيالـه والمعـزب وطاهـا
تبدلت يا سيدي حـال فـي حـال.....حـالٍ علـى الله حلهـا ومنتهاهـا
زمان معك ريال تسوى بـه ريـال.....وتصيرفارس قـوم فيـك انتباهـا
زمان فيـه العولمـه فعلهـا طـال.....ومن لادخل فيها سرح في حماهـا
وبدل عرب صرنا طرب لال يا لال.....انجازنا (غنـوه) ومـن مستواهـا
ولاصار رب البيت للـدف طبـال.....اكيـد جاهلهـا كفـيـل بعمـاهـا
راشد يذم رشيد , ورشيـد محتـال.....وحنا الضحيه والهـدف ومغزاهـا
من قال هتلر مـات هتلـر ولازال.....هتلر رسم خطـه وخيـه مشاهـا
يا جيل صدقني ترى العود دجـال.....خطة صليبـي والعريبـي كلاهـا
اقوالنـا لعبـه ولعبتهـم افـعـال.....وحنـا نـردد ياعساهـا عساهـا
لاوين ياجيل الدعايه والارسـال .....؟سلعة ردي الساس من هو شراهـا
قتلن بنات شيـوخ لعيـون فريـال.....وفريال بنت الغرب نطلب رضاهـا
شجاعنا يبكي على بعض الاطـلال.....وهامورنا يرقص ويدفـع عشاهـا
ادبك ورى ليلاك واربط لها الشـال.....والرقص دبكه وارقصوا يا قصراها
واشتر عطر لميس يا طيب الفـال.....تحظى بلميـس وخيهـا واقرباهـا
يلعب علينـا تاجـر الفقـر مـوال.....يالعن ابـو لميـس واللـي غذاهـا
ماكل من ركب على الغتره عقـال.....قـد العقـال وكلمتـه لاحكـاهـا
إلا رجال الطيـب للعـز مدهـال.....عن الردى تكـرم وتحشـم لحاهـا
من يفهم القصه يدرس لـه اجيـال.....ومن لا فهمهـا يعجبـه محتواهـا
ولازلت اقول رجال باقي به رجال.....سيوف مسلوله علـى مـن نواهـا
جبال الجزيرة يوم تذكر لها جبـال.....آل السعـود اللـي ذرانـا بذراهـا
لامال عفش شعيـل تعبالـه حبـال.....يمشي ورجله فـوق راسـه ثناهـا